كيف ازيل الرؤوس البيضاء من وجهي
- شنو هي الرؤوس البيضاء؟
- ليش لازم اتخلص منها؟
- شلون أحد من ظهورها ببشرتي؟
الي ما نعرفه انو هي نوع من أنواع حب الشباب الغير ملتهب تطلعلنا بمرحلة الشباب شلون وليش ؟
جوابنا لان زيوت البشرة وخلايا الجلد الميت تتراكم بالمسام الي تنسد بالكامل بطبقة سطح الجلد فتتكون على شكل حبوب بيضاء ناعمة جدا بس مظهرها مزعج
ليش لازم اتخلص منها؟
لان بكل بساطة الرؤوس البيضاء معرضة للالتهاب وممكن انو بالعوامل الخارجية تتحول إلى رؤوس سوداء عنيدة وعميقة او حبوب حمراء برأس أبيض ملتهب.
شلون أحد من ظهورها ببشرتي؟
- ابد ما نلزم الرؤوس البيضاء أو محاولة عصرها.
- نغسل الوجه بالماء الفاتر والغسول الخاص بيج مرتين يوميًا.
- تجنبي التعرض لأشعة الشمس لوقت طويل وخصوصا بدون واقي شمس.
- استعملي منتجات البشرة الخالية من الزيوت اذا جانت بشرتج دهنية ، لأن الزيوت تسبب انسداد المسام وانسداد المسام يسبب الحبوب البيضاء.
- نقلل من استخدام الكريم اساس ونتأكد من اكسباير المنتجات وابد ما ننام بالمكياج لان النوم بالمكياج يؤدي إلى انسداد المسام.
- نكثر من الأكل الصحي مثل الخضروات والفاكهة، ونقلل الاكل المو صحي مثل: الحلويات، ومنتجات الألبان، والأطعمة السريعة.
- نسوي رياضة ولو 10 دقائق خلال اليوم لأن حتساعدج تتخلصين من السموم الي بداخل جسمج عن طريق التعرق وبعدها نحاول انو نتحمم مباشرة.
- اخر شي واهم شي نحافظ على الصحة النفسية لان الاجهاد والتوتر هي السبب الأول بتلف البشرة وتذكري دائما كل مشكلة هي مجرد وقت وحيعدي.
ولاتنسين تواصلي ويا خبيرات البشرة والصيدلانيات عالرابط حتى ينصحوكي بالمنتج المناسب لمشكلتك